تحديث البروتوكول التشخيصي والعلاجي للفيروس المستخدم في المشافي الألمانية

للدكتورة  هند نقولا
 طريقه العلاج اللي عم نتبعها بالمشفى عنا بألمانيا و عم احكي بس عن مرضى الشعبة العادية مش مرضى العنايه المركزه ، انا الصراحة ما اشتغلت بالعناية فكرمال هيك ما فيني اعطي رأي او فيد بشي اهم التحاليل المطلوبه للمريض في حال الشك بالاصابه
اولا. مسحة ، صوره صدر
ثانيا. تحاليل دمويه : صوره دم مفصلةD-Dimer , procalcitonin, CRP, ثالثا. تحاليل وظائف الكلى ، وظائف الكبد
رابعا. زرع الدم في حال ارتفعت الحراره عن 38.5 او شفنا اعراض متلازمة الالتهاب الجهازي او العام ( SIRS ).
العلاج :
باراسيتامول كمسكن الم و خافض حراره مننصح كل المرضى يكتروا سوائل لان عم يفقدوها مع الحراره اي ارتفاع لD-Dimer عن الحد الطبيعي منعطي Clexane بجرعه علاجيه مش وقائيه مرتين باليوم و حسب وزن الجسم
ضفنا عليه الاسبرين بجرعه 100mg مره باليوم . اذا كان D-Dimer طبيعي منعطي Clexane جرعه وقائيه يعني 0.4 مره باليوم
يمكن حدا يسأل ليش كل هالقد الجواب المرضى اذا ما تأذوا بنقص الاكسجه عم يموتوا بصمات رئوية او قلبية ، او عم يصير معون خثرات صغيرة منتشرة بالجسم (DIC) و عم يسبب هالشي قصور وظائف أعضاء كامل
ايمتى منعطى مضاد حيوي ؟؟
اذا كان البروكالسيتينين ( Procalcitonin ) مرتفع منعطي مضادات الالتهاب لان بكون صار في اصابة ثانوية جرثومية اذا كان ال Procalcitonin طبيعي ابدا ما منعطي دوا التهاب
ايمتى نحتاج اكسجة؟؟
اي نقص بالاكسجين عن 94% بجو الغرفه بيحتاج اكسجه و بالاضافه للاكسجين منعطي dexametazon 6mg مره باليوم و لمدة عشرة أيام .
ايمتى نحتاج تصوير ؟؟
التصوير المقطعي CT ابدا مش شرط هاد بالمراكز الكبيره عم يستخدم بدل صوره الصدر و يعتمدوا عليه كوسيلة تشخيصيه
صوره الصدر يفضل تنعمل مرتين ، مره وقت يدخل المريض ع المشفى و مره قبل ما يطلع او كمراقبة اثناء الاقامه.
الڤيتامينات شو دورها؟راح قول مش غلط بس ما عملت شي على سير المرض
المضاد الڤيروسي الشهير Remedisivir وتاثيره ..
منظمة الصحة العالمية شالته من خطة العلاج فما أثبت انه اله تأثير على سير المرض و لا قلل نسبة الوفيات بل ع العكس ذكروا كتير اضرار صارت بسببه و منها نقص اكسجه
التعامل مع مرضى السكري!!!!
ما بدنا ننسى كمان مراقبة السكر و خاصة عند المرضى المعتمدين ع الانسولين لان لازم تنرفع الجرعة تماما متل وقت العلاج بالكورتيزون بيتطلب الجسم جرعات اعلى من الانسولين . الدراسات عم تقول انه زاد مقاومة خلايا الجسم للانسولين .
طبعا لازم مراقبه الامراض المزمنه الموجوده اصلا عند المريض .
حاليا ماهو جديد هو استخدام ASS بشكل روتيني مع مانعات التخثر الله يحميكم جميعا و يحمينا